გურანდა გაბუნია (1938-2019)

თეატრისა და კინოს მსახიობი. საქართველოს კინემატოგრაფისტთა კავშირის წევრი. საქართველოს სახალხო არტისტი (1990). ფოთის საპატიო მოქალაქე (1997). 1998 წელს დაჯილდოვდა ღირსების ორდენით, 1999 წელს გახდა კოტე მარჯანიშვილის სახელობის პრემიის ლაურეატი. იყო 2018 წლის სამგზის საუკეთესო მსახიობი ქალი („პროვინციული ამბავი“, „შიში“ და „მიტევების დღე“) გურანდა გაბუნია გარდაიცვალა 2019 წლის 4 თებერვალს, მძიმე ავადმყოფობის შედეგად. დაკრძალულია თბილისში, დიდუბის პანთეონში, მეუღლის - ოთარ მეღვინეთუხუცესის გვერდით.